Ракометарите на Охрид ја анулираа негативата од 6 голови и со победа од 25:22 ја сопреа серијата на Пелистер под команда на Јошко Петковиќ.
Мечот го одбележа подвигот на домаќините и инцидентот што се случи во финишот на првото полувреме. Имаше и физички контакт меѓу ракометарите, а исклучени со син картон беа Дарко Георгиевски и Славиша Димитриевски кај Охрид и Милош Рајчиќ и Иван Димитриовски кај Пелистер.
Гостите од Битола водеа со 18:12 во второто полувреме, но оттогаш до крајот на мечот постигнаа само 4 погодоци, а примија дури 13.
Тасески со пет голови беше најефикасен кај Охрид, додека Кобетиќ за Пелистер постигна шест голови. Ова е прв пораз за битолскиот ракометен гигант откако на кормилото пристигна искусниот лисец Јошко Петковиќ.
ФОТО: Охрид њуз
