Фудбалерите на Милан продолжуваат со очајните игри во 2023 година, а денеска доживеаја историска бламажа на „Сан Сиро“. Росонерите пред своите гледачи загубија со неверојатни 2:5 од Сасуоло и го забележаа четвртиот пораз во последните шест меча од почетокот на годината.
Милан за прв пат по 1997 година, прима пет гола на „Сан Сиро“ на натпревар од Серија А. Пред 26 години, Јувентус на 6 април со 1:6 славеше против Милан.
5 – AC Milan have conceded at least 5 goals in a Serie A home match for the first time since 6 April, 1997 (1-6 vs Juventus). Historical.#MilanSassuolo
— OptaPaolo (@OptaPaolo) January 29, 2023
Дебаклот на Милан го најави Грегори Дефрел во 19-та минута, а само две минути подоцна Фратези погоди за 0:2. Жиру во 24-та минута намали на 1:2, но до крајот на првиот дел Сасуоло преку Берарди постигна и трет гол.
Стартот на второто полувреме донесе ново разочарување за навивачите на Росонерите бидејќи Лауриенте во 47-та минута од пенал погоди за 1:4. Во финишот, во 79-та минута, Сасуоло пукна петарда на „Сан Сиро“ благодарение на голот на Матеус Енрике.
До крајот на мечот, Дивок Ориги успеа да намали на 2:5.
