Иако нивната земја е во војна, сепак фудбалската репрезентација на Палестина со победа од 3-0 над Хонг Конг дојде до историски пласман во осминафиналето на Азискиот куп кој се игра во Катар.
Палестинците завршија како трети во групата зад Иран и ОАЕ, а пред Хонг Конг, што беше доволно да ја минат групната фаза како една од најдобрите четири третопласирани екипи.
Победата и пласманот во следната фаза беше поздравен од гледачите, со оглед на тоа дека Палестина ги има симпатиите на првенството од навивачите на сите репрезентации.
