Раковдоството на Њујорк сити немаше веќе простор за маневар и најави сериозна истрага за случајот со сексуално вознемирување во клубот, а обвинет е легендарниот шпански фудбалер Давид Вилја.
На социјалните мрежи поранешна вработена во клубот од Њујорк пред една седмица објави дека била сексуално вознемирувана од Вилја додека биле заедно дел од МЛС-лигашот.
The harassment I went through at NYCFC was so bad that now the idea of professional sports terrifies me. Staying in the field of athletics terrifies me. I’m changing my entire career because the shit they did to me ruined my dreams.
— Skyler B (@ItsmeskylerB) July 17, 2020
„Секој ден ме допираше. Кога добив шанса да бидам дел од клубот, мислев дека тоа е исполнување на сонот, но се претвори во кошмар. Вилја ме допираше секој ден, а кога му се пожалив на сопственикот, ми рече дека тоа е материјал за комедија“, е објавата на Скајлер Б, очигледно жртва на сексуален напад на поранешниот европски и светски првак со Шпанија.
Вилја веќе не игра за Њујорк сити, но може да има големи проблеми по најавената истрага, која сега веќе и не може да се затскрива по јавната објава на жртвата на социјалните мрежи.
Вилја играше за Валенсија, Барселона, Атлетико Мадрид и уште неколку клубови надвор од Шпанија, а моментно е член на јапонскиот Висел Кобе.
