Вистински хаос се случи за време на полуфиналниот натпревар од израелското кошаркарско првенство меѓу Хапоел Тел Авив и Хапоел Ерусалим.
Натпреварот беше прекинат во третата четвртина, поради ракетна тревога поврзана со напади од Иран, што предизвика сериозна загриженост за безбедноста на сите присутни во салата.
The semifinal game between Hapoel Tel Aviv and Hapoel Jerusalem was stopped in the third quarter due to fire from Iran. pic.twitter.com/Z9NtZ3IRQ6
— Amit Segal (@AmitSegal) June 7, 2026
Во моментот на прекинот, Хапоел Тел Авив имаше предност од 77:67.
Судиите веднаш ја прекинаа средбата за да ги заштитат кошаркарите, стручните штабови, навивачите и останатите присутни во арената.
Засега не е познато кога натпреварот ќе биде доигран и на кој начин ќе заврши полуфиналната серија. Се очекува раководството на лигата наскоро да излезе со официјални информации и евентуални измени во распоредот.
The Israel Basketball Association will make a final ruling on the result of the game which may be a technical win for Hapoel Tel Aviv. https://t.co/AQs6N9DfeD
— Sports Rabbi (@thesportsrabbi) June 7, 2026
Сепак, сите понатамошни одлуки ќе зависат од безбедносната состојба во земјата и проценките на надлежните институции.
