Некогашниот италијански гигант Сампдорија, ги живее најлошите моменти во својата богата и трофејна клупската историја. Сампдорија за прв пат испадна во трета лига и во следната сезона ќе игра во Серија Ц.
Пред нешто повеќе од три децении Сампдорија беше првак на Италија, а играше и во финалето на Купот на Европски шампиони. Потоа имаше успешни моменти и во домашниот шампионат, за да сега клубот падне на најниски фудбалски гранки.
Поради оваа состојба, навивачите на Сампдорија се многу лути и разочарани па синоќа решија да го изразат своето негодување и присуствуваа на тренингот на Сампдорија.
Фановите ги навредуваа фудбалерите, а двајца навивачи влегоа и на теренот и им наредија на играчите да ја соблечат облеката на која има клупски амблеми. Среќа за фудбалерите на Сампдорија е тоа што имаше и полиција, која не дозволи да има поголем инцидент.
There was a little protest at training today.
Apparently the fans were singing “this shirt does not belong to you” and then the players took the shirts off at the end of the session, placed them in a bag and distributed them to fans.#ForzaDoria pic.twitter.com/xPn4j21iOU
— Sampdoria English Fans (@Sampdoria_ENG) May 16, 2025
Од навивачката група информираа дека дресовите кои ги земале од фудбалерите, ќе бидат дадени на аукција и собраните пари ќе бидат дадени во хуманитарни цели.
Една ноќ претходно, девет навивачи биле уапсени откако биле фатени од полицијата додека подготвувале напад врз дел од фудбалерите и челниците на Сампдорија.
