Рускиот тенисер Данил Медведев не успеа да се пласира во четвртфиналето на олимпискиот турнир во Париз и остана без медал. Тој беше потенцијален ривал на Карлос Алкараз во полуфиналето, па за Шпанецот барем на хартија, работата до пласман во олимпиското финале е малку олеснета.
Во осминафиналниот меч, петтиот светски рекет, а четврти носител во Париз, загуби од Канаѓанецот Феликс Оже-Алиасим, кој е на 19-ти на АТП листата.
После 1 час и 42 минути игра, Канаѓанецот победи со 6-3, 7-6. Во четвртфиналето, Оже-Алиасим ќе игра со победникот од мечот меѓу Каспер Руд (Норвешка) и Франциско Серундоло (Аргентина).
