Младиот дански стопер Оливер Провстгард ќе биде нов играч на Лацио. Италијанскиот тим му плати 2,75 милиони евра на данскиот Вејле за овој талентиран 21-годишен централен дефанзивец. Трансферот на Провстгард немаше да биде ништо посебен ако не се знае дека овој репрезентативец на Данска во У21 селекцијата само пред неколку години се покажа како експерт за видеоиграта ФИФА21.
Под кодното име ОливерПН, тогашниот тинејџер Провстгард успеа да победи во Лигата на шампионите на видеоиграта. Во огромна конкуренција на светско ниво, Оливер стигна до шампионскиот трофеј и заработи дури 75.000 фунти.
Дека е добар и на вистинскиот терен, Провстгард покажа со своите игри сезонава. Одигра 16 меча за Вејле и ја носеше капитенската лента, а неговите настапи ги забележаа од Лацио, па тимот од Рим плати речиси три милиони евра за да го доведе на „Олимпико“.
Договорот со Лацио ќе му биде до 2029 година.
🚨 The FIFA 21 eChampionsLeague winner just signed for Lazio in real life ✅
This is crazy 🤣🤣 https://t.co/BSqbXEAuCy pic.twitter.com/bXOCBvFvmX
— EAFC 25 News (@FUT24News) February 3, 2025