Ламин Јамал во следните три недели ќе закрепнува по повредата на глуждот на десната нога, но иако не е актуелен на теренот, ѕвездата на Барселона повторно е во фокусот на вниманието. Јамал доби подарок од соиграчот од Барселона, Рафиња, и тоа персонализиран златен „ајфон“ вреден 12.000 евра.
Според пишувањата на англиски „Сан“, Рафиња бил инспириран од Лионел Меси и Кевин де Бројне, кои претходно купуваа позлатени подароци на свои соиграчи. Овој подарок за Јамал доаѓа како награда за признанието кое тинејџерот го доби на гала-свеченоста во Париз, каде што беше прогласен за најдобар млад фудбалер во светот.
View this post on Instagram
„Рафиња на Јамал му подари ‘ајфон’ од злато и тој беше воодушевен. Тоа беше знак за нивното пријателство како надвор од теренот така и на теренот. Рафиња го порачал телефонот специјално за Јамал, креиран од I Design Golda и потоа беше персонализиран и го има неговото име“, вели неименуван извор за „Сан“.
Raphinha gifts Lamine Yamal £10,000 solid gold iPhone to congratulate his Ballon D’or Kopa trophy win https://t.co/FsMF3Hh0eX pic.twitter.com/iqoJ8AvbHh
— The Sun Football ⚽ (@TheSunFootball) November 11, 2024
Гласноговорникот на I Design Golda потврди дека креирале златен „ајфон“ за Јамал. Во 2022 година, Лионел Меси им подари златни „ајфони“ на сите фудбалери во аргентинската репрезентација и членови на националниот тим кои беа дел од Светското првенство во Катар, каде што Аргентина стигна до светската титула. Меси вкупно тогаш купи 35 телефони, а еден таков телефон чинел 20.000 евра.
