Македонскиот репрезентативец Јован Манев својата кариера ќе ја продолжи во хрватскиот прволигаш Осијек. Тој на располагање на тренерот Стјепан Томас ќе се стави веднаш по натпреварите против Италија и Малта, односно на 13 септември.
Манев во Осијек пристигнува како позајмен од турскиот суперлигаш Адана Демирспор. Македонскиот репрезентативец како позајмен ќе настапува до налето, а потоа Осијек ќе го откупи неговиот договор за 1,5 милиони евра и ќе потпише тригодишен договор.
Јован Манев пред да се пресели во Турција, настапуваше за Осогово и Брегалница од Штип.
