Лука Јовиќ не ги оправда очекувањата во Реал Мадрид. Српскиот репрезентативец постигна само три гола на 34 одиграни натпревари, а сето тоа значи дека ќе се најде на листата за трансфери во летиот преоден рок.
Сепак, напаѓачот не треба да се грижи премногу бидејќи наводно Баерн Минхен е заинтересиран за неговите услуги. Очигледно е дека лошата форма не им пречи на Баварците, коишто го следеа Јовиќ уште од времето во Ајнтрахт Франкфурт, каде што тој блескаше и на 49 натпревари даде 25 гола.
Покрај Лука, Баерн Минхен го следи и Себастијан Але од Ајакс, кој има блескава сезона, а ваквите „скаутирања“ на германскиот првак се поради фактот што Роберт Левандовски најверојатно ќе го напушти тимот по крајот на сезоната, со оглед на тоа дека му истекува договорот, а на повидок не е продолжување на соработката.