Транзицијата од Ајнтрахт Франкфурт во големиот Реал Мадрид не му се погоди на младиот српски голгетер Лука Јовиќ. Минатата сезона важеше за еден од најдобрите стрелци во Европа, а откако го облече кралскиот дрес, не покажува ниту 10% од својот потенцијал.
Нормално, нередовното играње и големата конкуренција со Карим Бензема имаат влијание, меѓутоа и самиот Јовиќ е свесен дека е далеку од својата форма, а неговата изјава издава како да е паднат во депресија.
„Искрено, не сум задоволен ниту среќен со мојот учинок оваа сезона. Некогаш ќе ми текне да пуштам стари видеа од мене и се прашувам што ми се случи“, истакна Јовиќ.
Минатата сезона како член на Ајнтрахт Јовиќ реализира 27 погодоци на 48 меча во сите натпреварувања, додека за Реал постигна само еден гол и една асистенција на вкупно 21 натпревар.
