Јувентус полека го губи чекорот во трката за освојување на позиција која води во Лигата на шампиони за следната сезона, откако загуби на гостувањето кај Сасуоло со 1:0. По овој кикс, Старата дама остана со 44 бодови од 30 кола и има дури девет бодови помалку од Милан кој е на посакуваната четврта позиција, последна која носи место во елитното европско друштво за следната сезона.
Грегори Дефрел е херојот на Сасуоло постигнувајќи го погодокот за победа против Јувентус. Дефрел погоди во 64 минута и тоа беше јубилеен 50-ти погодок за него во Серија А. Тој е само четвртиот француски фудбалер кој стигнал до бројката од 50 голови во италијанското првенство.
Меѓу Французите голгетер рекордер е Давид Трезеге со 123 погодоци, додека легендарниот Мишел Платини има 68 голови.
50 – Gregoire #Defrel is the 4th French player 🇫🇷 to score 50 goals in Serie A, after David Trezeguet (123), Michel Platini (68) and Cyril Théréau (66). Élite.#SassuoloJuventus @SassuoloUS #SerieA
— OptaPaolo (@OptaPaolo) April 16, 2023
