Кајри Ирвинг и Кевин Дурант и во вториот меч во новата сезона во НБА лигата потврдија дека се пеколен тандем, еден од најдобрите во НБА лигата, а со заеднички учинок од 66 поени го предводеа Бруклин нетс до убедлив триумф против Бостонс селтикс со 123:99.
Кајри го украси „својот“ ТД Гарден со 37 поени против најтрофејната екипа во историјата на НБА лигата, заедно со Лос Анџелес лејкерс.
Бекот на Мрежичките имаше и 8 асистенции и беше незадржлив за домашната одбрана, а му се приклучи и Дурант со 29 поени.
Kyrie & KD continue to COOK. 🔥@KyrieIrving: 37 PTS on 13-21 shooting@KDTrey5: 29 PTS on 9-16 shooting@BrooklynNets | #NBAXmas pic.twitter.com/5C9YEaM6EU
— NBA (@NBA) December 26, 2020
Шампионот Лос Анџелес лејкерс лесно го прегрме стартниот пораз од градскиот ривал Клиперс и празнично во божиќната ноќ со НБА го демолираше Далас маверикс со 138:115.
Езерџиите апсолутно ја добија битката под кошевите и имаа дури 53 скока, наспротив 27 на ривалот, па разликата од 23 поени не е изненадување. Особено ако се знае дека Лејкерс на целиот меч не примија кош од втора шанса, а постигнаа дури 35 по офазнивен скок, па ефектот од 35:0 во поени од втор обид е рекорд на лигата.
И тука одлично одигра Ол-стар тандемот Леброн Џејмс и Ентони Дејвис со 50 поени комбинирано. Кралот Џејмс постигна 22 поени со 10 асистенции и 7 скока, додека популарната „Веѓа“ имаше учинок од 28 поени, 8 асистенции и пет скока.
Кај поразениот тим Лука Дончиќ беше најефикасен со 27 поени.
Празничната ноќ во НБА лигата ја комолетира и Лос Анџелес клиперс со победа од 121:108 против Денвер нагетс.
