Литванецот Лукас Спалвис е одличен пример за спортист што прегрме многу проблеми и тешки битки и успеа со челична волја по 32 месеци пауза да се врати на терен.
Денеска за првпат од август 2018 година се појави на тренинг на Кајзерслаутерн и најави дека наскоро ќе биде комплетно подготвен и за натпревари.
Репрезентативецот на Литванија со 18 настапи во националниот дрес имаше невидени малери во последните 3-4 години, а дури му беше и поништен договорот во Спортинг Лисабон.
Пристигна во Лисабон во 2016 година и се мачеше со повреди, па по позајмицата во Белененсеш, Спортинг одлучи да му го поништи договорот, токму кога кај Лавовите од Лисабон пристигна нашиот репрезентативец Стефан Ристовски.
Спалвис потпиша со Кајзерслаутерн во мај 2018 година, откако една сезона играше за германскиот гигант, кој е во криза, но има славно минато.
И тука веднаш се повреди и од 26 август до денеска, кога се појави на тренинг со соиграчите од КФЦ, му минаа 32 месеци без фудбал.
Positives vom Trainingsplatz: Dominik Schad, Lukas Gottwalt und Lukas Spalvis sind nach ihren langen Verletzungen ins Mannschaftstraining eingestiegen.
Vielen Dank an unseren Partner Zimmer inSports, der die #FCK-Profis mit seinen medizinischen Produkten bei der Reha begleitet. pic.twitter.com/rW8Nm5KDdJ
— 1. FC Kaiserslautern (@Rote_Teufel) April 28, 2021
Спалвис има 26 години и е напаѓач, веројатно нема да игра до крајот на сезоната за Кајзерслаутерн, но е оптимист дека комплетно ќе успее да се врати на терен од идната сезона.