Неверојатна ситуација се случи во мечот од третата турска лига меѓу Утас Усакспор и Ергене. Домаќините имаа водство од 2:0, а судијата покажа пенал за гостите во 90-тата минута. Тогаш почнува драмата. Голманот на Усакспор, Ерсин Ајдин, успеа да го одбрани пеналот, но судијата реши да го повтори ударот од белата точка, а голманот доби жолт картон затоа што порано ја напуштил гол-линијата.
При вториот шут на пеналот, голманот повторно одбрани, но судиите повторно стапија на сцена. Поради повторно излегување од гол -линијата, чуварот на мрежата доби и втор жолт картон и беше исклучен. Мораше да се шутира и трет пенал, а овојпат на голот застана еден од домашните играчи.
И третиот обид на гостите да погодат беше неуспешен, односно овојпат играчот-голман успеа да го одбрани пеналот, па на крајот остана 2:0 за домаќините.
Madness in the Turkish second tier 😲
Usakspor keeper Ersin Aydin saves a 90th min pen 💪
But he's booked for coming off his line 😖
Pen retaken… saved! 😎
He's booked again for leaving his line! Sent off! 😡
Defender Levent Aktug goes in goal… 🙄
Saved yet again! 🤯 pic.twitter.com/GAWQLSFiGU
— GOAL (@goal) January 20, 2020