Најдобрата македонска тенисерка, Лина Ѓорческа, го помина првото квалификациско коло на Отвореното првенство на Австралија, и тоа со победа над четвртата носителка во квалификациите, Австријката Сиња Краус (108-ма на ВТА).
Лина првиот сет го доби со 7-5, а во вториот доминираше против немоќната Краус и славеше со чисти 6-0.
Во второто коло, Ѓорческа ќе се сретне со Словенката Тамара Зиданшек, која е 158-ма на ВТА-листата. Ако ја мине и Словенката, Лина ќе го повтори успехот од 2017 година, кога стигна до третото квалификациско коло и беше на чекор од влез на главниот турнир. Сега повторно е на две победи од историски пласман на главниот турнир во Мелбурн.
