При напуштањето на населбата Аеродром, автобус со кој се превезувале навивачи на кошаркарскиот клуб Работнички бил каменуван близу хотелот „Хилтон“. Овој инцидент се случил по дерби-мечот со МЗТ Скопје во спортскиот центар „Јане Сандански“. Од МВР потврдуваат дека автобусот бил каменуван.
Неофицијално, врз автобусот се фрлени камења, а има и повредени. Полицијата врши увид. МЗТ го победи Работнички со 85-63, па ова само дополнително ја расипа вечерта за фановите на најтрофејниот македонски клуб.
