Второпласираниот тенисер на АТП ранг-листата, Карлос Алкарас, стигна до полуфиналето на САД опен без загубен сет, откако и во четвртфиналето славеше со максимални 3-0.
Нова „жртва“ на Шпанецот беше чешкиот тенисер, Јири Лехечка, кој беше поразен со 6-4, 6-2 и 6-4.
Сепак, она што со нетрпение се очекува е полуфиналето и можниот дуел против Новак Ѓоковиќ. Противник на Алкарас за место во големото финале ќе му биде подобриот од дуелот на Србинот и домашниот тенисер, Тејлор Фриц.
