Екипата на Вардар 1961 ќе биде драстично ослабена на вечерашното гостување кај Монпелје во првиот четвртфинален дуел од Европската лига на ЕХФ.
Објавени се официјалните состави на двата тима, а кај Црвено-црните ги нема најдобрите бекови Јака Малус и Дмитро Хориха. Словенецот се повреди против Алкалоид и клубот не сака да ризикува, а Украинецот кој не играше со Алкалоид и си оди од Вардар во следната сезона, ќе отсуствува поради болест.
Реваншот е закажан во „Јане Сандански“ на 5 мај, но вечерва од 20.30 ослабените вардарци ќе треба да се изборат за резултат кој ќе им дава реална шанса дека може да се најдат на фајналфорот во Хамбург.
