Лук де Јонг можеше да му ја продолжи авантурата на својот сонародник Роналд Куман на клупата на Барселона, која сега е неизвесна, ако погодеше со удар со глава во 78-мата минута од чиста позиција против Гранада.
Де Јонг наместо лесно да ја погоди мрежата на гостите за 1:1, од три-четири метри на празна мрежа ја упати топката над голот. Утката е неверојатна и може да конкурира за промашување на годината во Ла Лига.
Во тој момент Гранада водеше со 1:0 со голот на Дуарте во 85-тата секунда на мечот, а Барселона напаѓаше урагански, но стигна само до еден бод со голот на Роланд Араухо во 90-тата минута.
Прашање е што ќе се случеше во екот на тотална офанзива на Барселона ако Де Јонг го погодеше голот на Гранада, па сега неизвесна е судбината на неговиот сонардоник од Холандија, Роналд Куман.
Куман беше очаен и по обидот на Мемфис Депај да погоди со ножички, но и вториот Холанѓанец во тимот на Барса се посрамоти и ја промаши топката.
Koeman reaction to Depay Bicycle kick attempt [Barcelona 0-1 Granada] from soccer
Шпанските медиуми пред мечот со Гранада објавија дека Барса мора да победи во серија од три меча, меѓу кои беше и овој вечерва на „Камп ноу“ што не се случи. Од тренерот се бараше и триумф против Кадис и Леванте за да продолжи да биде тренер на Барселона.
