За првпат сезонава Бруклин нетс ќе игра натпревар без Кевин Дурант во составот. Ѕвездата на Нетс нема да настапи вечерва против Мемфис гризлис, а од клубот објаснуваат дека станува збор за „закрепнување од повреда“. Најверојатно од клубот одлучија засега да го штедат Дурант и тој да не игра два дена по ред.
Ова значи дека првата петорка на Бруклин ќе изгледа поинаку отколку на првите три средби сезонава, а и шансите на Гризлис за победа растат.
Дурант играше во неделата, кога Мрежичките загубија од Шарлот, а 32-годишниот КД играше 36 минути, во кои даде 29 поени. Не покажа знаци на повреда, па затоа веројатно е договорено да одмори и да не го форсираат со играње два дена едноподруго.