Македонската фудбалска репрезентација ќе има многу активност на крајот од мај и почетокот на јуни. Тие активности за жал нема да бидат како подоготвка за настап на Светско првенство, затоа што Македонија не успеа да испише историја и да биде дел од завршницата на Мундијалот.
Веќе е потврдено дека Македонија на 29 мај ќе игра во Сараево против Босна и Херцеговина која ќе се подготвува за СП 2026. Потоа следува гостување и во Турција, кога во Истанбул на 1 јуни ќе гостуваме на стадионот на Галатасарај.
Се поверојатно е дека македонската репрезентација ќе остане во Турција во јуни, но од Истанбул ќе се пресели во Анталија. Најавите се дека македонската фудбалска репрезентација ќе игра контролен дуел и против репрезентацијата на Бахреин.
За разлика од БиХ и Турција кои се подготвуваат за настап на планетарлниот собир, Бахреин ја има судбината на Македонија. Оваа азиска земја никогаш не била дел од Светско првенство.
