Битолски Пелистер е елиминиран во полуфиналето од ракометниот куп и речиси сигурно ќе остане сезонава без ниту еден трофеј. Пелистер уште е актуелен шампион, но сезонава е далеку зад Вардар и само теоретски останува Црвено-црните шампионскиот пехар да го префрлат во Скопје.
Освен што не го одбранија трофејот во првенството, Пелистер и во Купот разочара. Иако делуваа дека се фаворити во полуфиналето против Охрид, битолчани многу лесно и убедливо загубија со 26:19.
На фејсбук страната на битолската навивачка група „Чкембари“ се појави видео на кое се гледа како навивачи стојат покрај патот и се подготвени да нападнат некого.
“Баравте проблем. ДОБИВТЕ!“ е пораката која Чкембари ја испратија, а на видеото кое е постирано се гледа дека се работи за класична заседа. Со запалени факели, палки, железни прачки го нападнаа комбето кое пристигна, но за среќа, возачот успеа да избега од оваа заседа. Не е потврдено дали во комбето се наоѓаа ракометарите на Еурофарм Пелистер.
