Главниот град на Азербејџан, Баку, каде што на 29 мај ќе се игра финалето во Лига на Европа, е во знакот на рекламна кампања за тој настан, на којшто ќе играат Челзи и Арсенал. На еден од плакатите ставени се по тројца играчи од двата тима, а на сликата еден од триото на Арсенал веќе не е член на клубот. Станува збор за Денис Суарес, кој беше позајмен кај „топчиите“ од Барселона.
Денис не е во составот на Арсенал од почетокот на мај, иако позајмицата е до крајот на сезонава. Тој влезе во игра на 6 меча, а потоа се повреди, па се врати во Барселона, каде што е на рехабилитација. Тој на „Твитер“ веќе се прости со клубот од Лондон.
