Рој Кин, кој во кариерата одигра блескави 15 години во англиската Премиер лига, беше зачуден околу изборот на играчи во англиската репрезентација. Според Кин, искусните Рахим Стерлинг и Џек Грилиш требало да ја преземат одговорноста и да се пријават да шутираат, а не да дозволат младите и неискусни Сака и Санчо да бидат во четвртата и петата серија од пенал-рулетот.
„Ако сте Стерлинг или Грилиш, не може да го пуштите детето (Сака) да оди и да шутира пенал пред вас. Едноставно, не можете. Тој е срамежлив 19-годишен тинејџер, а тие имаат толку многу повеќе искуство од него. Стерлинг има освојувано трофеи, мораше да ја преземе одговорноста и да шутира пенал“, рече Кин.
Англичаните погодија само два од петте пенали што ги шутнаа. Искусните Кејн и Мегваер беа прецизни во првите две серии, а потоа следуваа промашувањата на Рашфорд (23 години), Санчо (21 години) и Сака, кој има само 19 години. Селекторот Герет Саутгејт ја прифати одговорноста за поразот.
„Јас ја донесов одлуката за тоа кои ќе изведуваат пенали и врз основа на тоа што се случуваше на тренинзите. Победувавме како екипа, па сега и вината за поразот ‘e биде таква. Што се однесува до пеналите, тука јас сум виновен“, рече Саутгејт.
