Ливерпул и Манчестер сити в сабота на „Вембли“ ќе играат во борба за првиот трофеј во сезоната во Англија, и тоа во Комјунити шилд. Ова е дуел на освојувачот на ФА купот и шампионот во Премиер лигата.
Тренерот на Ливерпул, Јирген Клоп, потврди дека голманот Алисон нема да биде подготвен да брани во дербито против Манчестер сити. Бразилскиот голман е повреден и нема да закрепне во последните 48 часа, што значи дека ќе го пропушти дуелот од Комјунити шилд.
Добра вест е тоа што Алисон сепак ќе биде подготвен за почетокот на Премиер лигата и дека треба да биде на голот на Ливерпул за првото коло против Фулам.
