Јирген Клоп имаше многу причини за радост вчера, по победата на Ливерпул во Суперкупот на Англија против Манчестер сити со 3:1, но денеска расположението му го расипаа резервите на англискиот гигант.
Ливерпул загуби на „Енфилд Роуд“ со комбиниран тим на дуелот против Стразбур и тоа убедливо со 0:3.
⏰Liverpool vs Strasbourg Full Time⏰#Liverpool #LFC #Strasbourg #ClubFriendly pic.twitter.com/oN4wHQMIrd
— Liverpool vs Fulham Live Stream (@fcliverpooluk) July 31, 2022
На Германецот му е јасно дека има голем јаз меѓу првотимците и резервите што е лошо за настап на повеќе фронтови, каква што и ќе биде новата сезона за Ливерпул.
Клубот има големи амбиции да се освојуваат титули во домашното првенство, во Лигата на шампионите и во двата купа во Англија, ФА купот и Лига купот.
Стразбур денеска победи многу лесно, со три гола од четвртата до 21. минута, а стрелци беа Томасон двапати и Дијало.
Ливерпул ќе го почне новото издание на Премиерлигата со меч против Фулам на гостински терен на 6. август.
