Фановите на бундеслигашот Шалке 04 се едни од најлојалните во Германија, па срамот кој им го приредија нивните миленици на дуелот со Фортуна Дизелдорф кога дома загубија со 0-4, не можеше да помине неказнет.
Разочараните навивачи се симнаа на терен, и во знак на протест, како своевидна дисциплинска мерка, на Бенџамин Стамбули му ја одземаа капитенската лента. Пораката е испратена, а дали нешто ќе се смени на подобро во следното коло кога Шалке гостува кај Вердер, останува да се види.
Тимот од Гелзенкирхен има 13 порази сезонава, и моментно е на 14 место, па ако во наредните мечеви не ги подобри формата и резултатите, може да се доведе во ситуација да се бори за опстанок, бидејќи Шалке е на седум бода над опасната зона.
