Репрезентацијата на Колумбија е вториот финалист на Копа Америка откако со минимални 1-0 славеше над Уругвај. Единствениот гол на мечот беше дело на Џеферсон Лерма во 39-тата минута, но само шест минути подоцна Даниел Муњос заработи црвен картон, па Колумбија со човек помалку на теренот мораше да се брани, а на крајот и да се одбрани од нападите на Уругвај.
Сепак, натпреварот падна во сенка на инцидентот кој се случи по последниот судиски свиреж. Фудбалерот на Уругвај, Дарвин Нуњес, се стрча кон трибините и започна физички да се пресметува со навивачите на Колумбија. Нему му се придружија и дел од соиграчите, а дури потоа интервенираше полицијата.
A Colombian fan got a cheap shot on Darwin Núñez as he was being held back by the police who had FINALLY arrived to the scene. Struck straight in the face, Núñez fell to the ground.pic.twitter.com/wjJxVZz8BS https://t.co/YyHUN9dvXl
— Football Report (@FootballReprt) July 11, 2024
На многумина не им беше јасно што се случува, но Нуњес тргна да си го спасува семејството, кое беше на трибините, и тоа сред навивачките немири. Интервенцијата на полицијата беше задоцнета, па фудбалерот одлучи сам да ги спасува.
It got crazy in the semis!! Right in my section! Hope everybody is ok pic.twitter.com/oyDQM0d9Ik
— Lloyd sam (@MrLloydSam) July 11, 2024
По завршувањето на натпреварот, камерите го уловија фудбалерот на Ливерпул во прегратки со своето дете, кое беше видно вознемирено од сè она што се случуваше, а до нив беше и неговата сопруга.
Darwin consoling one of his children after HE himself had to go fight Colombian fans because there was no security and bring his family to the field.#Uruguay #Colombia #CopaAmerica pic.twitter.com/lSAtaq9IbQ
— Favian Renkel (@FavianRenkel) July 11, 2024
