Целосната деконцентрација кај фудбалерот Денис Звониќ (капитен на Вележ) придонесе тој да си даде авготол за телевизиски шпици за најсмешни моменти. Тоа се случи на мостарското дерби помеѓу Зрињски и Вележ, градски ривали кои три години немаа играно меѓу себе.
На трибините на „Бијели бријег“ се собра многу публика, а Зрињски победи со 1-0 токму со овој необичен автогол. Звониќ, кој беше паднат на земја, сакаше да ја исфрли топката во корнер, но тоа го направи многу лошо и си даде автогол кој ќе го памети до крајот на животот.
