Најпопуларниот УФЦ-борец, Конор Мекрегор, е обвинет дека силувал жена за време на четвртиот натпревар од финалето во НБА-лигата меѓу Мајами хит и Денвер нагетс.
Магазинот „ТМЗ“ пишува дека Мекрегор со помош на обезбедувањето во салата во Мајами одвоил една девојка од нејзината пријателка и ја однел во машкиот тоалет. Обезбедувањето наводно не ѝ дозволило на девојката да излезе од тоалетот, а на останатите посетители во салата пак не им дозволило да влезе во него, посебно не на пријателката на девојката.
A woman says Conor McGregor raped her at Game 4 of the NBA Finals, per @TMZ_Sports
He has denied the allegations pic.twitter.com/zkJuHYxvSd
— Bleacher Report (@BleacherReport) June 15, 2023
Магазинот пишува дека Мекрегор агресивно се однесувал кон девојката, тој наводно и ги фатил рацете и ја турнал до ѕид и се обидел да ја силува. Девојката успеала да се ослободи, го удрила УФЦ-борецот со лакот и го напуштила тоалетот оставајќи ги ташната и личните работи.
Потоа веднаш инцидентот го пријавила во полиција, која спроведува истрага. Конор Мекрегор ги негира овие обвинувања, но судот ќе одлучи дали има доволно докази за судски процес.
