Екипата на Копенхаген се пласира во плејофот за пласман во групната фаза од Лигата на шампионите откако дури по подобро изведување на пеналите ја елиминира Славија, и тоа во Прага.
Откако на првиот меч немаше голови, многу подраматично беше вечерва. Копенхаген поведе со 1:0, а Спарта израмни со гол во 80-тата минута, па мораше да се играат дополнителни 30 минути. Во тој половина час беа постигнати уште четири гола. Спарта поведе со 2:1, па гостите израмнија, а потоа домаќините се радуваа и на 3:2, но Копенхаген со гол во 112-тата минута стигна до 3:3 и мораше да се шутираат пенали, каде што гостите беа подобри со 4:2.
Португалска Брага со убедливи 4:1 победи на гости во Бачка Топола против ТСЦ и оди понатаму со вкупни 7:1. И Галатасарај немаше проблеми против Олимпија Љубљана и со голот на Мауро Икарди победи со 1:0, односно 4:0 по двата меча.
Ренџерс издржа на гости кај Сервет и доволно беше 1:1 за да оди понатаму благодарение на победата од 2:1 на домашен терен. ПСВ Ајндховен со вкупни 7:2 го елиминира Штурм откако вечерва на гости победи со 3:1.
