Во Јужна Кореја смислија на каков начин ќе се поздравуваат фудбалерите пред натпревар во услови на пандемија од коронавирус. Наместо традиционалното поздравување со рака, играчите застанаа на центаот во две редици една спроти друга и се поклонија. Дистанцата беше испочитувана, барем пред меч, а за време на натпревар, тоа не е можно.
Екипите на Сувон Сити и Теџон Ситизен во меч од втората лига на Јужна Кореја први го применија поклонувањето, а потоа и други го следеа нивниот пример. Дали ќе биде вака и во Европа, останува да се види.
Инаку, мечевите и во Кореја се играат без гледачи. Во таа азиска земја, фудбалот беше рестартиран по двомесечна пауза.
