Мароко на убедлив начин се пласира на Светското првенство во Катар откако на домашен терен со 4:1 славеше над ДР Конго. Првиот меч заврши без голови, па на Мароко му беше доволна и минимална победа за да биде на планетарниот собир, но домаќините не оставија ништо на случајноста.
Легендарниот стратег Вахид Халилхоџиќ е на чело на Мароко, а со пласманот на ова СП, тој направи нешто уникатно. Тој е прв стратег кој успеал да се пласира на четири Светски првенства.
Интересно е дека ова е четврти пат Халилхоџиќ низ квалификации да однесе еден национален тим на завршницата на Мундијалите, а таму тој бил само еднаш. За разлика од Вахид, Бора Милутиновиќ и Карлос Алберто Переира се рекордери со по шет светски првенства како селектори, но на Мундијалите се случувало тие да водат селекција која е веќе пласирана, па Халилхоџиќ е уникатен со четири успеси низ квалификациите.
По победата над ДР Конго, Халилхоџиќ веднаш доби телефонски повик, и тоа директно од кралот на Мароко, Мохамед Шести.
„Ало. Да, како сте Ваше височество?“, рекол Вахид по добивање на телефонскиот повик, а потоа продолжил: „Благодарам! Пласманот на Светското првенство е победа за вас и за вашите луѓе! Се надевам дека сте среќни. Ова е мое задоволство, а заслугите се на сите играчи и на целата нација“, биле зборовите кои Халилхоџиќ ги упатил до Кралот на Мароко.
Le roi du Maroc Mohammed VI a appelé Vahid Halilhodzic – encore sur le terrain – quelques instants après la qualification pour la Coupe du monde 2022https://t.co/VxTczK1V9z
— RMC Sport (@RMCsport) March 30, 2022