Ѕвездата на Пари Сен Жермен, Хвича Кварацхелија, повторно ја доби најпрестижната индивидуална награда во својата татковина откако беше прогласен за фудбалер на годината на Грузија. За 24-годишниот репрезентативец ова е веќе петто признание, со што се израмни со легендарниот Каха Каладзе.
Годината 2025 за Кварацхелија беше исклучително успешна на клупски план. Со ПСЖ ги освои сите можни трофеи: титулата во Лига 1, Купот и Суперкупот на Франција, Лигата на шампионите, Суперкупот на УЕФА, како и Интерконтиненталниот куп. Дополнително, грузискиот ас претходно ја освои и титулата во Серија А со Наполи, клубот од кој се пресели во Париз во јануари 2025 година.
Во сезоната 2024/25, Кварацхелија одигра вкупно 51 натпревар во дресовите на ПСЖ и Наполи, при што запиша 13 погодоци и 11 асистенции. Во актуелната сезона, за францускиот шампион настапи на 21 меч, со ефект од шест голови и пет асистенции, потврдувајќи го својот статус како еден од најдобрите играчи во Европа.
Khvicha Kvaratskhelia has been named Georgian Player of the Year! 👏 pic.twitter.com/HiVGD6r6ow
— Paris Saint-Germain (@PSG_English) December 29, 2025
