Чудо се случи на подготвителен натпревар во НБА-лигата и Никола Јокиќ, кој е двоен најкорисен кошаркар по ред во НБА, не постигна ниту едн кош од игра за Денвер нагетс на подготвителен меч со Лос Анџелес клиперс.
Претсезоната е при крај и регуларниот дел на новата сезона треба да почне за една седмица, а очигледно е дека Јокиќ сè уште се загрева.
Ноќеска играше малку повеќе од 15 минути и постигна два поена откако погоди две слободни фрлања, а не погоди ниту еднаш од поле.
Имаше 7 скока и две асистенции во скромната ноќ за него. Српскиот ас двапати по ред ја доби МВП наградата во најсилната лига на светот, што не е баш чест подвиг во историјата на НБА-лигата.
Денвер нагетс ќе ја почне новата сезона со дербито на гости против Јута џез на 20 октомври, а една ноќ претходно ќе биде и премиерата на новиот циклус со двата меча меѓу Бостон селтикс и Филаделфија 76 и Голден стејт вориорс и Лос Анџелес лејкерс.
