Легендарниот холандски напаѓач Патрик Клајверт ќе биде нов тренер на турскиот суперлигаш Адана Демирспор, каде што настапува и нашиот репрезентативец Јован Манев.
Тој доаѓа на местото на друг легендарен фудбалер, Италијанецот Виченцо Монтела.
Патрик Клајверт се прослави со своите игри во Барселона, каде што во периодот од 1998 до 2004 година постигна 90 гола, додека за репрезентацијата на Холандија стрелаше 40 пати.
Во својата тренерска кариера во најголемиот дел беше помошник, освен кога беше селектор на репрезентацијата на Курасоа, земјата од каде што потекнуваат неговите родители.
