Гери Невил по брилијатната фудбалска, како тренер имаше кратка и неуспешна кариера, но како аналитичар речиси секогаш застанува на страната на фудбалерите. Така е и во случајот со Френки де Јонг и Барселона, за којшто легендата на Манчестер јунајтед повикува на бунт против каталонскиот клуб за начинот на кој го третира Холанѓанецот.
„Де Јонг треба да размисли да ја тужи Барселона и сите негови соиграчи треба да го поддржат. Клуб кој троши богатства на нови фудбалери, а воедно во целост не ги исплаќа играчите кои од претходно се во тимот, е неморално во крајна мера. ФИФПро треба да најстрого да реагира и еднаш засекогаш да стави крај“, се огласи Невил преку Твитер.
De Jong should consider legal action v Barcelona and all players should be behind him!A club spending fortunes on new players whilst not paying the ones they have under contract their full money is immoral and a breach. @FIFPRO should be all over bullying like this and stop it.
— Gary Neville (@GNev2) July 25, 2022
Барса го притиска Де Јонг да потпише нов договор според кој би заработувал 50 % пониска плата од моменталната, настрана фактот што клубот веќе му должи заостанати плати од десетици милиони. Како втора опција да се подобри економската состојба на „Камп ноу“, управата се обидува да го продаде токму на Манчестер иако самиот играч апсолутно е против трансфер.
Сето ова шпанскиот гигант го прави напоредно со огромни трошења на засилувања ова лето. За скапите трансфери на Левандовски, Рафиња, но и бесплатните ангажмани на Кеси и Кристенсен, Барселона се снајде и успеа да ги комплетира и воедно да ги регистрира за новата сезона.
Поради тоа, Невил реши да изнуди војна на еден начин, помеѓу Де Јонг и Барселона.
