На 29 октомври 2003 година во Сакраменто, Леброн Џејмс дебитираше во НБА-лигата, тогаш како 18-годишен прв пик на драфтот и играч на Кливленд кавалирс, а утрово Џејмс пак играше во Сакраменто, во дресот на ЛА лејкерс, и загуби во меч на којшто се играше и продолжение.
Кингс славеа со 132-127, а Леброн имаше 27 поени (7 во продолжението) и 15 скока. За Лејкерс проблем е што на сите три меча лошо почнува и секогаш има негатива од над десет поени во првата четвртина, па потоа брка и се обидува да направи пресврт.
За разлика од Лејкерс, другиот тим од Лос Анџелес, Клиперс, извојува победа од 40 поени разлика (123-83) против Сан Антонио на годинешниот прв пик Виктор Вембањама. Французинот на своето прво гостување во НБА даде скромни 11 поени.
Крис Пол првпат во 18-годишната кариера беше резерва, а неговиот Голден стејт го совлада Хјустон со 106-85.
Милвоки беше поразен од Атланта со 110-127 во меч на кој потфрли Демиен Лилард. Големото засилување на Бакс даде само 6 поени откако на дебито како Елен уфрли 39.
