Оваа сезона во фудбалската Лига на шампиони е историска и за македонскиот фудбал бидејќи првпат во историјата имавме дури четворица претставници во елитното клупско натпреварување.
За жал, најверојатно ниту еден од нив нема да продолжи во нокаут-фазата и тимовите ќе им се најдат под 24-тото место, што значи крај на европскиот пат за оваа сезона.
Жирона на Бојан Миовски и Лајпциг на Елиф Елмас веќе и теоретски се без шанси да продолжат, а мала надеж има само кај Динамо Загреб на Стефан Ристовски и Аријан Адеми.
Модрите може да се пробијат меѓу 24-те најдобри, но им треба вистинско чудо и да се поклопат дури пет работи.
Првиот услов за Динамо да се надева на чудо е да го победи Милан, што е тешка мисија. Освен тоа, на Динамо му треба и Бриж да не загуби од Манчестер сити или Белгијците да загубат, но барем со 5 гола разлика. Тука не е крајот, во Динамо чекаат и Бенфика да загуби од Јувентус, Штутгарт – ПСЖ да не заврши нерешено и Спортинг да загуби од Болоња.
