Динамо Загреб приреди првокласна сензација со победа од 3:0 и елиминација на Тотенхем во осминафиналето во Европа лигата, а покрај стрелецот на трите погодоци, Мислав Оршиќ јунак беше и голманот Доминик Ливаковиќ, но и сите играчи што настапија во двомечот со англискиот гигант.
Стартери беа и двајцата македонски репрезентативеци, капитенот на Динамо, Аријан Адеми и десниот бек Стефан Ристовски, кои имаа огромен придонес за вкупната победа од 3:2 и пласманот во четвртфиналето.
Оршиќ постигна хет-трик со три импресивни голови, а победата ја одбрани извонредниот голман на Динамо, Доминик Ливаковиќ во 116. минута. Со рефлексна интервенција на гол-линијата спаси чист гол, што ќе занчеше пласман понатаму на Тотенхем.
https://twitter.com/LosBlancoEhsan/status/1372644404750544899?s=20
Динамо ќе ја чека утрешната ждрепка за четвртфиналето во Европа Лигата, од 13 часот во Нион, Швајцарија.