Без разлика на сите контроверзии од денешниот меч меѓу Ливерпул и Вулверхемптон, гигантот од „Енфилд роуд“ на крајот заврши во стилот во кој ја изигра цела сезона, а тоа е победнички.Триумфот над Волците за Ливерпул донесе неколку рекорди.
Само третпат во историјата на англиското првенство се случи еден тим да има 50 меча без пораз на свој терен. Ливерпул денеска стигна до 40-тата победа, а има и 10 нерешени средби. Претходно тоа му успеало само на Челзи, кој е рекордер со 86 средби без пораз на „Стемфорд бриџ“ во периодот од 2004 до 2008 година, а Ливерпул во периодот од 1978 до 1980 имаше 63 дуели без пораз на свој терен.
Ако се пресметаат мечевите одиграни во 2019 година, Ливерпул освои вкупно 98 бодови во 37 натпревари, што е просек од 2,65 поени по меч. Тоа е вториот најголем процент за еден тим во тековна година. Само Челзи во 2005 година успеа да ја заврши со просек од 2,66 поени освоени по натпревар.
2.65 – Liverpool end 2019 having earned 98 points from 37 Premier League matches; their ratio of 2.65 points per game is the second highest ever achieved by a team in a single year in the competition, behind only Chelsea’s 2.66 in 2005. Zenith. pic.twitter.com/8OBh8qOvSs
— OptaJoe (@OptaJoe) December 29, 2019
