Лош епилог за гренслем шампионот – Бум-бум Бекер ќе оди во затвор две ипол години

Борис Бекер е прогласен за виновен за затајување на имот при прогласувањето на банкротот во 2017 година и ќе мора да оди во затвор на две ипол години.

Шесткратниот гренслем шампион минува низ тежок период, а е прогласен за виновен по дури 24 точки во обвинението против него на суд.

Бекер се обидел да сокрие недвижен имот, акции и пехари од гренслем турнирите и не ги пријавил при прогласувањето на личниот банкрот што е недозволено и се смета за измама.

Му се закануваше максимална казна од 7 години затвор, а судот одлучи дека ќе мора да „одлежи“ зад решетки две ипол години.

Проблемите на популарниот Бум-бум се наѕираа, откако не успеа да го врати кредитот од 3 милиони фунти, па мораше да прогласи личен банкрот и при постапката да го пријави целиот имот и пари што ги има за да се покрие долгот.

Бекер е еден од најдобрите светски тенисери во историјата на играта, а во последните две децении од минатиот век освои шест гренслем титули, од кои три му се на Вимблдон, две на Австралија опен и една на САД опен.

Има и златен медал од Летната олимпијада во Барселона во 1992 година. По завршувањето на тениската кариера му беше и тренер на Новак Ѓоковиќ.

Вкупно освои 64 пехари на тениските турнири, од кои 49 се во поединечна конкуренција и 15 во игра на двојки, а заработи над 40 милиони евра.

 

 

- Оглас -

Најнови вести