Лош влез во мечот, многу примени голови на празна мрежа, прв пораз на Вардар 1961 во ЛШ

Вардар 1961 не водеше во ниту еден момент од натпреварот со Монпелје, па поразот од 25-31 е заслужен и лекција како не треба да се влегува во средбите од ракометната Лига на шампиони. Пристапот и мотивацијата на Вардарци како да не беше иста како на претходните мечеви и поразот беше неизбежен.

Вардар испушти прилика со победа да го преземе првото место во групата. Ова е прв пораз сезонава, иако Вардар беше фаворит на хартија, а и традицијата беше на негова страна.

Клучен за конечниот исход беше периодот од 43-тата до 52-рата минута. На 17 минути до крај, семафорот покажуваше 23-17 за гостите, Вардар даде два гола по ред, а имаше и напад за 20-23, но шутот на Кудуз беше одбранет и тоа беше жестоко казнето со серија на противникот дури од 5-1, па Монпелје отиде на недостижни 28-20 на осум и пол минути до крајот.

Одлични беа навивачите во „Јане Сандански“, кои не престанаа да го бодрат домашниот тим и кога губеше со голема разлика. Најефикасни поединци во тимот на Веселин Вујовиќ беа Тимур Дибиров со 7 и Жереми Тото со 6 гола, додека голманите Ристовски и Томовски заедно имаа 10 одбрани.

- Оглас -

Најнови вести