Клубовите притискаат се повеќе за да им се овозможи тие да одлучуваат дали ќе им дозволата на своите фудбалери да играат за своите репрезентации, а ФИФА и УЕФА се пред сериозен испит.
Двете главни фудбалски федерации во август донесоа провизорна одлука за да ги заштитат клубовите, но таа се однесува само за патувања во исклучително ризични подрачја и во таков случај можеше да има забрана за настап на фудбалерите за својот национален тим.
Сега се најавува дека ќе има погубно сценарио според кое клубовите бараат од ФИФА и од УЕФА да им дадат потполни овластувања тие да одлучуваат дали ќе им дозволат на играчите да настапат во Лигата на Нации и во квалификациите за ЕП и за СП, додека трае кризата со корона-вирусот.
Притисокот е се поголем, а би бил исклучително погубен за Македонија, пред историскиот дуел со Грузија воТбилиси на 12. ноември.
Нашата репрезентација е речиси исклучиво составена од фудбалери што играат во странство, па некакво слободно толкување на нивните клубови, дали и кои играчи би можеле да играат за Македонија би било многу лошо за нас.
Сепак во целиот калабалак, веројатно ќе имаме среќа, па Пандев, Барди, Адеми, Алиоски, Велковски, Несторовски, Николов и останатите наши репрезентативци што играат во странски клубови био требало да играат без проблем против Грузија, бидејќи кусо е времето до 12. номеври за една ваква ризична и тешка одлука на ФИФА и на УЕФА.
Во Тбилиси за нешто помалку од еден месец ќе играме нокаут меч против Грузија и со победа ќе оствариме историски успех и пласман на Европското првенство идната година.