Светското првенство во снукер е во фокусот на овој спорт, а Велшанинот Марк Вилијамс е еден од оние кои знае како се стигнува со планетарниот трон. Вилијамс има три светски титули освоени во 2000, 2003 и 20018 година, а сега мечтае да стигне и до четвртото вакво признание.
Интересно е дека во 2018 година пред финалето против Џон Хигинс најави дека доколку победи, ќе се појави гол на прес конференциката. Вилијамс тогаш го доби финалето со 18:16, а потоа пред новинарите се појави само во еден пешкир. Велшанецот екстремно најави дека доколку успее и оваа година да ја освои титулата на турнирот, подготвен е да направи сѐ.
„Би направил сѐ за да освојам нова титула, но годините поминуваат и се помали се шансите за такво нешто. Ќе трчам гол по автопатот М4 од Лондон до Кардиф“, рече Марк Вилијамс во пресрет на дешениот старт на СП.
Минатата година Вилијамс играше во финалето на Светското првенство, но зауби од Џао Синтоно со 12:18, па за прв пат се случи еден Кинез и воопшто натпреварувач од Азија да застане на светскиот трон. Вилијамс моментално е на шестото место на светското рангирање.
„Кога имав 45 години реков дека би сакал да видам на кое место ќе бидам рангиран кога ќе имам 50 години. Не се повлекувам. Сега ме интересира каков би бил мојот рејтинг кога ќе наполнам 55 години. И понатаму продолжувам да се борам. На секој турнир го давам најдоброто од себе. Ако победам, тоа е одлично, но ако загубам не е крај на светот. Со ова се занимавам од мојата осма година. Мојот татко работел во рудник 30 години, мојот дедо дури 50 години. Јас само патувам по светот и ја играм оваа глупава игра, добро сум платен и уживам во тоа“, рече Вилијамс.
