Фудбалерите на Аталанта триумфираа во Лигата на Европа откако во вечерашното финале кое се играше на „Даблин арената“ со убедливи 3:0 го совладаа Баер Леверкузен.
Ова е втор освоен трофеј за Аталанта во клупската историја, до вечерва во витрините стоеше само трофејот за триумфот во Купот на Италија од 1963, а од утре ќе има и европски трофеј.
Баер Леверкузен со убедливиот пораз во Даблин, не успеа да има перфектна сезона и го доживеа првиот пораз и тоа во меч за титула.
Италијанскиот тим беше многу подобар тим на „Даблин арената“ и сосема заслужено на крајот го крена шампионскиот пехар.
Херој на Аталанта беше Адемола Лукман кој би постигна сите три кола. Првиот гол го даде во 12-тата минута, во 26-тата минута погоди за 2:0, а конечниот резултат го постави во 75-тата минута.
Лукман стана првиот фудбалер во историјата на Лигата на Европа кој во финалето постигнува три гола.
