Македонската фудбалска репрезентација го задржа 68-мото место на новата ранг-листа на ФИФА и од таа позиција ги чека ноемвриските дуели со Лихтенштајн и Гибралтар во Лигата на нациите.
Втор месец по ред остануваме на истата кота, а со нас се и Зелено’ртските Острови, или Кејп Верде, со еднаков број поени, 1.338.
Од селекциите во нашата четврта група во Лигата на нациите, убедливо сме најдоброрангирани. Ерменија е на 101-вата позиција со пад од едно место, а Лихтенштајн и Гибралтар се на 182-рото, односно на 190-тото место.
На врвот нема промени и најдобра селекција според ранг-листата на ФИФА останува Белгија, пред Франција и Бразил. Во топ 10 следуваат и: Хрватска, Англија, Уругвај, Португалија, Швајцарија, Шпанија и Данска.
