Вардар ќе биде противникот на Охрид во финалето од ракометниот куп на Македонија што ќе се игра в недела во Струмица. Откако Охрид во првиот полуфинален дуел убедливо славеше над Пелистер со 26:19, Вардар немаше многу проблеми да го совлада Алкалоид во вториот полуфинален дуел со 33:28.
Само во првите неколку минути Алкалоид даваше отпор на фаворизираниот Вардар кога резултатот беше 5:5. Во продолжение на дуелот Црвено-црните ја преземаа контролата на резутлатот и полека го „кршеа“ отпортот на противникот.
Сите дилеми беа уште на средината од второто полувреме кога Вардар поведе со 10 разлика (29:19) и на крајот Црвено-црните се изборија за уште едно финале во обид да го одбранат пехарот во Купот.
